دكتور لاتعالج مجانين الأدمان عالج جنون الحب فيني !
دكتور لاتعالج مجانين الإدمان
عالج جنون الحب دكتور فيني
ناس (ن) تحت تأثير حبه ودخان
وأنا تحت تأثير جرح (ن) دفيني
عن همهم يسلون في بعض الأحيان
وأنا بهمي طول عمري رهيني
هم يسهرون الليل في فكر طربان
وأنا سهرت الليل فكري حزيني
يمكن يهديهم دواء جاب برهان
لكن دوايه كيف وينه وويني
جيتك ودمعي فوق خدي علشان
تأخذ تحاليلي من دموع عيني
ومافيه أصدق من تعابير الأعيان
لسترسلن مابين شوق وحنيني
ثم امطر ديم(ن) على هاك الاوجان
وبراقهن بالعين صورة ضنيني
حلل دموع العين في فن واتقان
وأعرف سبب دمعي وردهـ لعيني
ويامالها دمعي تقل سيل وديان
ويامالها قلبي يجر الونيني
وياما سهرت الليل خايف وشفقان
وجدآي بس اصفق براحة يميني
حبي لها غصب عن خافقي بان
والعقل و التفكير فيها سجيني
المهرة اللي مالها سرج وعنان
ميدانها صدر(ن) إسياجه يديني