يا ابن حمري عزتي للي على الغبن يتصبّر
يرسم البسمه على وجهه وهو في أخس حاله
يرسم البسمه على وجهه وهو في أخس حاله
كن ما للغيض في صدره سحاب(ن) لا تزبّر
بالرعد والبرق والما والبرد يصدق خياله
بالرعد والبرق والما والبرد يصدق خياله
لاضواه الليل شاف أضغاث حلم(ن) مايعبّر
ضاق باله ضيقةٍ من وطي أثرها ضاق باله
ضاق باله ضيقةٍ من وطي أثرها ضاق باله
ولا أقبل النهار بالنور وظلام الليل دبّر
خذا يومه بأوله في رحلة آلآمه وآماله
خذا يومه بأوله في رحلة آلآمه وآماله
يجبره وقته على عرف النشاما والمثـبّر
ويعتزل ذولا لجل ذولا ولو يبطي لحاله
ويعتزل ذولا لجل ذولا ولو يبطي لحاله
خل نقال الكلام يقول مغرور وتكبّر
الكبر للواحد الفرد الصمد جل جلاله
الكبر للواحد الفرد الصمد جل جلاله
خوي الرديان يبشر له بكسر(ن) ما يجبّر
ماله منهم غيرما لرشا الغروب من المحاله
ماله منهم غيرما لرشا الغروب من المحاله
والحزين دواه لاقام يتزفر ويتعبّر
مثل ورعٍ شاف يوم العيد كلّن مع عياله
مثل ورعٍ شاف يوم العيد كلّن مع عياله
وهو جا لبوه مطراشٍ ما منه الطير خبّر
ومن ردى عمّه خذته أمه وراحت مع خواله
ومن ردى عمّه خذته أمه وراحت مع خواله
وأطيب الخوال صام الوقفه وهلل وكبّر
وشرى عيدية هله وأخته ولدها ما شرى له
وشرى عيدية هله وأخته ولدها ما شرى له
خاطر الورع انكسر والوجه بشر اللون غبّر
صلى الله وسلم وبارك على محمد وآله
صلى الله وسلم وبارك على محمد وآله
كن مابه عقب نهش الدود لأجساد المقبّر
بعث وإحساب وحياة وأجر واعقاب وعداله
بعث وإحساب وحياة وأجر واعقاب وعداله
ياعلي شعرك من الواقع كتب وأملى وعبّر
وأثبت إن للشعر ترسانه وللشاعر رساله
وأثبت إن للشعر ترسانه وللشاعر رساله
يكفي إن إسمك مع الأيام يكبر ما يكبّر
كوكب ما كن لخلق الله مجال إلا مجاله
كوكب ما كن لخلق الله مجال إلا مجاله
وثوبك من العز والنوماس يذرع ما يشبّر
ملبس لايق على قومٍ لهم قاله وطاله
ملبس لايق على قومٍ لهم قاله وطاله
أما أنا لاعابدٍ زهد ولا طاغٍ تجبّر
ليت أمان كلاش ابو عطفه ورد لبو محاله
ليت أمان كلاش ابو عطفه ورد لبو محاله
قبل دعواي أحسب إن كل الدعاوي تنتدبّر
وأكتشفت إن الذنوب أكروب والبدعه ضلاله
وأكتشفت إن الذنوب أكروب والبدعه ضلاله
علي بن حمري
يا ابن ريفه مرحبا والعبد في الدنيا مدبّر
فرحتي بك فرحة المسلوب لاردوا حلاله
ربع القلب وجلى ضيقه وروض الصدر زبّر
وانفتح باب(ن) ماهو بالسهل فتحه وانقفاله
انت عز وخوتك تشرى ومحزمك المعبّر
خوفة الله واحترام الناس وكعام العياله
آتعوذ من قلوب الحسد وعيونٍ تحبّر
باسمك اللهم عن نية ردى وألا فساله
عشت يانجم النجوم مقصّر الشبر المشبّر
ياسميك العرق يامجنى عريقين السلاله
انت لك منبر على قمة جبل منتب منبّر
والشهاده منك راس المال والهيضه جماله
من جبره الوقت عكس اللي تبي نفسه تجبّر
لو يصب الشاهي بفنجال والبن ببياله
ولايضر الهبره اللي كل من جاها تهبّر
احمدوا الأنعام واعطوا الناس واسعوا بالعداله
وخوة الفسل الضعيف سواة نوٍ مايسبّر
واحدٍ مقصوره ايدينه ومقصوره حباله
حسبته ثورٍ على قرنينه أليا ثار غبّر
ليت ياراعيه ما فكيت رجله من هجاله
احسبني صابر(ن) واثري على مابي مصبّر
وخفت لاصبري يهملني ولاعندي بداله
انتنشد عن علوم الكفو مثلك وانتخبّر
عن نجوم الأرض وأهل العرف واكرام السباله
تدري إني ما أشتري سلعه بلا نيمٍ ونمبَّر
ما اشتري إلا حاجةٍ تسوى وتضمنها وكاله
عازف العود الحزين يجر صوته ويتعبّر
يا الله انك ترحم الدوخي وعبدالله فضاله
ماملت عيني صور الأيام لوانها تكبّر
صرت أفكر كيف أخلي الوقت يدرجني سؤاله
كيف عز الرجل من حيين وألا من مقبّر
والرجل وجهه يعتق رقاب وألا من حلاله
شف برابرة العرب وألا العرب ما هيب بربَّر
لمة حثاله على الدنيا تلاقيها حثاله
