[size=18]
ياراكـب حـر تـذرب سنـامـه
عليـه نـي راكـب نيـه العـام
ماصك لحيه فـي ليالـي فطامـه
وعظمه قوي من لبن كل مـرزام
الـى ورد عـد يطيـر حمـامـه
جا للصريمه مـن لحيـه تقصـام
تلفي لابن هادي كبيـر العمامـه
شيخ ورمحه مع هل الخيل مرسام
مـر يواعدنـا بحـرب وقوامـه
ومر يجينا منـه هـرج وتسـلام
حي ذا الكلام ومـن هـو كلامـه
اللي لفانا منـه هـرج التوهـام
وش الجزا ياشوق زاهي الوشامه
بالسابق اللي ماعرفنا لـه اوقـام
كزيت لك نور السلف والجهامـه
باغيه ذخر فـي مقابيـل الايـام
وغديت انا ويـاك مثـل النعامـه
جاها بلاها من ثقيـلات الاقـدام
ان كان تبغي سابقـك والسلامـه
فلا تحول بالجحـادر علـى يـام
حرم عليكم النوط تطلـق بلامـه
مادام عنده واحد من ضنـى يـام
معنا الطويل اللي تجيكـم علامـه
مثل العديم اللي على الجول صرام
الترك قبلك زارنـا بـه زعامـه
وقد عافنا واختار عنا هل الشـام
ان كات تطري حدرتك بالجهامـه
لما توصل بـك لهذيـك الارجـام
ذي ديرة الحاكـم كبيـر العمامـه
اللي نحى عنها طوابيـر الاورام
قدامكـم شيـخ رفيـع مقـامـه
الخيل قرح وابيـض الخـد قـدام
وان رادها غيره ضربنـا رثامـه
عـود يبـدل هفوتـه بالتـنـدام
يالله عسى الفردوس ملقى عظامه
اللي بعث دين النبي دين الاسـلام
مثل الدويش اللي يقدي الجهامـه
عرقت جواده فوق رجله والاقدام
وان كان حدر لابته مـن تهامـه
حنا لهم في مقطع الصلـب قـدام
اقبل وحنا لـك نسـوي كرامـه
شلف على شهب سريعات الاولام
تسعين رمح كسرن فـي عدامـه
عشلاين منهن بين راكان وحزام
كم ثار عند ركابنـا مـن كتامـه
ياما هلك من ضدنا من سبب يـام
كم من حريب دارج الـدم دامـه
يشبع بها السرحان والطير لا حام
حنا كمنـا سيـل تنحـى غمامـه
هامل بردهـا بالفرنجـي والاورام
سيله يقزي مانحـا مـن عدامـه
ورعودها منها المدن له تقصـام
كم سيف هندي فضخنـا لجامـه
بايماننا كنـه مقابيـس الاظـلام
نروي من ارقاب السكاري جيامه
في هية يشبـع بهـا كـل حـوام
ونطعن لعيـن عريـض سنامـه
شقح مفاليهـا مباكيـر الاوسـام
ان كان ودك عندنا لـك كلاامـه
وتدري بضيفتنا لك الشرق والشام
اقبل علينا حي سـوق المسامـه
وعاداتنا نغلي جلـب كـل سـوام
حريبنـا تصبـح بكبـده ندامـه
وبراية الله والقـدم ناحـر يـام
وصلاة ربي عد ما انشي غمامـه
على النبي خصـة الله بالاكـرام
[/size]